DSSSB TGT Recruitment 2021 @ 5807 Vacancies

Teacher Jobs 2021 | ఢిల్లీ సబార్డినేట్ సర్వీసెస్ సెలక్షన్ బోర్డ్-DSSSB టీజీటీ పోస్టుల భర్తీకి దరఖాస్తు ప్రక్రియ ప్రారంభించింది. నోటిఫికేషన్ వివరాలు తెలుసుకోండి.

ఢిల్లీ సబార్డినేట్ సర్వీసెస్ సెలక్షన్ బోర్డ్-DSSSB భారీగా టీచర్ పోస్టుల్ని భర్తీ చేస్తోంది. మొత్తం 5,807 ట్రైన్డ్ గ్రాడ్యుయేట్ టీచర్-TGT పోస్టుల్ని ప్రకటించింది. ఇంగ్లీష్, పంజాబీ, బెంగాలీ, ఉర్దూ, సంస్కృతం లాంటి విభాగాల్లో ఈ పోస్టులున్నాయి. ఈ పోస్టులకు దరఖాస్తు ప్రక్రియ ప్రారంభమైంది. అప్లై చేయడానికి 2021 జూలై 3 చివరి తేదీ. ఈ ఉద్యోగాలకు సంబంధించిన మరిన్ని వివరాలను DSSSB అధికారిక వెబ్‌సైట్ https://dsssb.delhi.gov.in/ లో తెలుసుకోవచ్చు. అభ్యర్థులు https://dsssbonline.nic.in/ వెబ్‌సైట్‌లో దరఖాస్తు చేయాల్సి ఉంటుంది. అప్లై చేసేముందు నోటిఫికేషన్ పూర్తిగా చదివి విద్యార్హతలు తెలుసుకోవాలి.

DSSSB TGT Recruitment 2021: ఖాళీల వివరాలు ఇవే

మొత్తం ఖాళీలు- 5,807

• టీజీటీ సంస్కృతం ఫీమేల్- 1,159
• టీజీటీ సంస్కృతం మేల్- 866
• టీజీటీ ఇంగ్లీష్ మేల్- 1,029
• టీజీటీ ఇంగ్లీష్ ఫీమేల్- 961
• టీజీటీ ఉర్దూ ఫీమేల్- 571
• టీజీటీ ఉర్దూ మేల్- 346
• టీజీటీ పంజాబీ ఫీమేల్- 492
• టీజీటీ పంజాబీ మేల్- 382
• టీజీటీ బెంగాలీ ఫీమేల్- 1

DSSSB TGT Recruitment 2021: గుర్తుంచుకోవాల్సిన అంశాలు

• దరఖాస్తు ప్రారంభం- 2021 జూన్ 4
• దరఖాస్తుకు చివరి తేదీ- 2021 జూలై 3
• విద్యార్హతలు- బ్యాచిలర్స్ డిగ్రీ కనీసం 45 శాతం మార్కులతో పాస్ కావాలి.
• వయస్సు- 32 ఏళ్లు
• దరఖాస్తు ఫీజు- రూ.100. ఎస్సీ, ఎస్టీ, దివ్యాంగులు, మహిళలకు ఫీజు లేదు
• ఎంపిక విధానం- టియర్ 1, టియర్ 2 ఎగ్జామ్, స్కిల్ టెస్ట్.

DSSSB TGT Recruitment 2021: దరఖాస్తు విధానం

• అభ్యర్థులు https://dsssb.delhi.gov.in/ వెబ్‌సైట్ ఓపెన్ చేయాలి.
• హోమ్ పేజీలో LINK FOR ONLINE APPLICATION REGISTRATION SYSTEM (OARS) లింక్ పైన క్లిక్ చేయాలి.
• కొత్త పేజీ ఓపెన్ అవుతుంది.
• అందులో Click for New Registration పైన క్లిక్ చేయాలి.
• అభ్యర్థి పేరు, పుట్టిన తేదీ, విద్యార్హతలు, ఇతర వివరాలతో దరఖాస్తు ఫామ్ పూర్తి చేయాలి.
• దరఖాస్తు ఫీజు చెల్లించి అప్లికేషన్ ప్రాసెస్ పూర్తి చేయాలి.
• దరఖాస్తు ఫామ్ ప్రింట్ తీసుకొని భద్రపర్చుకోవాలి.