BHEL Jhansi Recruitment 2021

 BHEL: బీహెచ్ఈఎల్‌లో 150 జాబ్స్‌.. ఐటీఐ, డిప్లొమా, డిగ్రీ పాసైన వారు దరఖాస్తు చేసుకోవచ్చు

BHEL Jhansi Recruitment 2021: బీహెచ్‌ఈఎల్‌150 అప్రెంటిస్‌ ఉద్యోగాల భర్తీకి నోటిఫికేషన్ విడుదల చేసింది.

భారత్ హెవీ ఎలక్ట్రికల్స్ లిమిటెడ్ (BHEL).. 150 అప్రెంటిస్‌ ఉద్యోగాల భర్తీకి నోటిఫికేషన్ విడుదల చేసింది. ఈ నోటిఫికేషన్‌ ద్వారా ఝాన్సీలోని బీహెచ్ఈఎల్ యూనిట్‌లో ట్రేడ్ అప్రెంటీస్, టెక్నీషియన్ అప్రెంటీస్, గ్రాడ్యుయేట్ అప్రెంటీస్ పోస్టుల్ని భర్తీ చేస్తోంది. ఇందులో ట్రేడ్ అప్రెంటీస్ పోస్టులు 120 కాగా.. టెక్నీషియన్ లేదా గ్రాడ్యుయేట్ అప్రెంటీస్ పోస్టులు 30 ఉన్నాయి. ఐటీఐ, డిప్లొమా, డిగ్రీ పాసైన వారు దరఖాస్తులకు అర్హులు.

ఈ పోస్టులకు వేర్వేరుగా రెండు నోటిఫికేషన్లు విడుదలయ్యాయి. దరఖాస్తు ప్రక్రియ ఇప్పటికే ప్రారంభమైంది. 2021, జనవరి 16 దరఖాస్తులకు చివరి తేదీ. ఈ నోటిఫికేషన్‌కు సంబంధించిన మరిన్ని వివరాలను https://jhs.bhel.com/ వెబ్‌సైట్‌లో చూడొచ్చు.

అయితే బీహెచ్ఈఎల్ వెబ్‌సైట్‌లో దరఖాస్తు చేయడం కంటే ముందు అప్రెంటీస్‌షిప్ ట్రైనింగ్ పోర్టల్ https://apprenticeshipindia.org/ అలాగే.. https://ncvtmis.gov.in/ వెబ్‌సైట్లలో రిజిస్టర్ చేసుకోవాలి. దరఖాస్తు చేసిన తర్వాత అప్లికేషన్ ఫామ్ ప్రింట్ తీసుకొని నోటిఫికేషన్‌లో వెల్లడించిన అడ్రస్‌కు 2021 జనవరి 23 లోగా పోస్టులో పంపాల్సి ఉంటుంది.

ట్రేడ్ అప్రెంటీస్- 120

• ఫిట్టర్- 44
• టర్నర్- 5
• ఎలక్ట్రానిక్ మెకానిక్- 5
• ఎలక్ట్రీషియన్- 38
• వెల్డర్- 12
• డ్రాఫ్ట్స్‌మ్యాన్ మెకానిక్- 5
• కంప్యూటర్ ఆఫరేటర్ అండ్ ప్రోగ్రామింగ్ అసిస్టెంట్ - 4
• ప్లంబర్- 1
• కార్పెంటర్- 1

టెక్నీషియన్ అప్రెంటీస్- 30

• ఎలక్ట్రికల్- 6
• మెకానికల్- 9
• ఎలక్ట్రానిక్స్- 6
• ఇన్‌స్ట్రుమెంట్ అండ్ కంట్రోల్- 2
• సివిల్- 2
• కంప్యూటర్ అప్లికేషన్- 4
• మోడర్న్‌ ఆఫీస్ మేనేజ్‌మెంట్ అండ్ సెక్రెటేరియల్/ప్రాక్టీస్- 1

ముఖ్య సమాచారం:

విద్యార్హతలు: ట్రేడ్ అప్రెంటీస్ పోస్టులకు 10వ తరగతి లేదా 12వ తరగతి ఉత్తీర్ణులై ఉండాలి. దీంతో పాటు సంబంధిత ట్రేడ్‌లో ఐటీఐ పాస్ కావాలి. టెక్నీషియన్ అప్రెంటీస్ పోస్టులకు ఇంజనీరింగ్‌లో డిప్లొమా లేదా డిగ్రీ ఉండాలి. మోడర్న్ ఆఫీస్ మేనేజ్‌మెంట్ అండ్ సెక్రెటేరిలయ్ / ప్రాక్టీస్ పోస్టులకు రెండేళ్ల డిప్లొమా ఉత్తీర్ణులై ఉండాలి.

వయస్సు: 18 నుంచి 27 ఏళ్లు మధ్య ఉండాలి.

దరఖాస్తులు ప్రారంభం: జనవరి 1, 2021

దరఖాస్తులకు చివరి తేదీ: జనవరి 16, 2021

దరఖాస్తుల్ని పోస్టులో పంపడానికి చివరి తేదీ: జనవరి 23, 2021

వెబ్‌సైట్‌:https://jhs.bhel.com/